O'zbek tennischisi Sergey Fomin Qozog'istondagi xalqaro turnirda ishtirokini davom ettirmoqda
Shymkent shahrida (Qozog'iston) 15 000 dollarlik sovrin jamg'armasiga ega ITF M15 seriyasi turnir bo'lib o'tmoqda. Unda O'zbekistonning ikkinchi raqamli tennischisi Sergey Fomin ishtirok etmoqda.
Yakunlangan 1/8 final bahsida Fomin qiyin g'alabaga erishdi — u Bekhan Altangerovni 7:5, 4:6, 6:4 hisobida mag'lub etdi. Uchrashuv 2 soat 50 daqiqa davom etdi. Shymkent turnirining birinchi raqamli tennischisi sanalgan Fomin hozirda ATP reytingida 461-o'rinni egallab turibdi. Uning raqibi 24 yoshli Bekhan Altangerov — 994-pog'onada joylashgan.
Bundan tashqari, Sergey Fomin juftlik bahslarida ham muvaffaqiyatli harakat qilmoqda. U Pavel Verben bilan birgalikda chex duelini 6:2, 7:5 hisobida mag'lub etib, keyingi bosqichga chiqdi. Yakkalik musobaqasi chorak finalida Fomin Konstantin Zhenovga qarshi kurash olib boradi.