Novak Djokovic: o‘ynashda davom etyapman, chunki bu tennis rivojiga yordam beradi
24 karra «Katta dubulg‘a» turniri g‘olibi va 2024 yil Olimpiada chempioni, serbiyalik tennischi Novak Djokovic intervyusida faoliyatini davom ettirish istagini bildirdi. U Rodjer Federer, Rafael Nadal va Endi Marrey kabi asosiy raqiblarining tennis sahnasidan ketganiga qaramay, o‘ynashda davom etmoqchi ekanini aytdi.
«Oxirgi 20 yilda asosan to‘rttamiz turda ustunlik qildik. Endi esa uchta katta raqibim faoliyatini tugatgani sababli, ma'lum o‘zgarish his etilmoqda. Bu faqat avlodlar almashinuvi bilan bog‘liq emas, odamlar Rodjer, Rafa va Marrey endilikda o‘ynamayotganini qabul qilishga ham vaqt kerak. Va bir kuni bu menga ham tegishli bo‘ladi.
Shuning uchun men turda qolishga va katta avlod vakili sifatida harakat qilishga urinayapman. Bu musobaqalar va umuman tur uchun ijobiy ta'sir ko‘rsatishini umid qilaman. O‘ynashda davom etishimning sabablaridan biri ham shu — tennisning rivojlanishini qo‘llab-quvvatlash, muxlislarni tribunalarga jalb qilish.
Sport hammamizni ortda qoldiradi. U bizdan kattaroq va biz uning xizmatidamiz», — deya Djokovicning so‘zlarini keltiradi Relevo.
