Nigina Abduraimova termaga qaytdi — tennischilarimiz Billie Jean King Cup’da mag‘lubiyat bilan boshladi

Tennis 17 iyn 2025 da 07:15

Bakradze Iman

Redaktor

Nigina Abduraimova uzoq yillardan so‘ng yana O‘zbekiston terma jamoasi safida kortga qaytdi. Malayziyaning Kuala-Lumpur shahrida start olgan Billie Jean King Cup musobaqasining II Osiyo/Okeaniya guruhi doirasida qizlarimiz birinchi turda Filippinga qarshi bahs olib bordi. Oqgul Amanmurodova sardorligidagi terma jamoamiz uchrashuvni 1:2 hisobida mag‘lubiyat bilan boshladi.

Birinchi yakka bahsda Darya Shubina filippinlik Tenielle Madisoni 2:1 (4/6, 6/3, 6/1) hisobida mag‘lub etdi. Ikkinchi o‘yinda Nigina Abduraimova Shaira Hope Rivera’ga 1:2 (2/6, 6/3, 3/6) hisobida imkoniyatni boy berdi.

Hal qiluvchi juftlik uchrashuvida Shubina va Abduraimova Shaira Hope Rivera va Alexa Joy Williams duetiga qarshi to‘liq qarshilik ko‘rsatgan bo‘lsa-da, 1:2 (6/3, 3/6, 8/10) hisobida mag‘lub bo‘lishdi.

O‘yin tafsilotlari qizlarimizda raqobatbardoshlik borligini ko‘rsatdi. Keyingi turlarda g‘alabalar bo‘lishi kutilmoqda.