Nigina Abdurahimova Nottinghamdagi yakka bahslarini yakunladi
Buyuk Britaniyaning Nottingham shahrida ITFning W35 toifasiga mansub tennis musobaqasi davom etmoqda. Unda O‘zbekistonning birinchi raketkasi — Nigina Abdurahimova ham ishtirok etyapti. Yakka bahslarining birinchi bosqichida 30 yoshli Abdurahimova musobaqaning uchinchi raqamli seyeniri — avstriyalik Tamira Pashekka qarshi maydonga tushdi. Uchrashuv 67 daqiqa davom etdi va Pashekning ishonchli g‘alabasi bilan yakunlandi — 6:1, 6:1.
Ma’lumot uchun, Nigina WTA reytingida 825-o‘rinni egallab turibdi. Uning raqibi Pashek esa 389-pog‘onada joylashgan.
Endilikda Abdurahimova diqqatini juftlik bahslariga qaratadi. U fransiyalik Alis Robbe bilan birga duet hosil qiladi. Ularga qarshi maydonga tushadigan raqib — Britaniya jufti. Uchrashuv 1 may kuni Toshkent vaqti bilan soat 14:00 dan oldin boshlanmaydi.
