Kasper Ruud ilk bor «Masters» turnirlarida chempion bo‘ldi

Tennis 05 may 2025 da 07:04

Bakradze Iman

Redaktor

Norvegiyalik tennischi Kasper Ruud Madriddagi «Masters» turnirida g‘alaba qozonib, ushbu toifadagi musobaqalarda ilk marta chempionlikka erishdi.

Finalda u jahon reytingida 6-o‘rinda turgan britaniyalik Jack Draperni 7/5, 3/6, 6/4 hisobida mag‘lub etdi. Bu tennischilar o‘rtasidagi ilk o‘zaro bahs bo‘ldi. Bellashuv 2 soat 29 daqiqa davom etdi: Ruud 9 marta eys va 7 marta ikki xatolik qildi, Draper esa 6 eys va 3 ikki xatolik qayd etdi. Har ikki tennischi 3 tadan breyk-pointni amalga oshirdi.

25 yoshli Ruud uchun bu — faoliyatidagi 13-chempionlik, ammo «Masters» turkumidagi musobaqalarda birinchi. Ushbu g‘alaba uchun u 1000 reyting ochkosi va 985 030 yevro mukofot pulini qo‘lga kiritdi. Finalchi Draper esa 650 ochko va 523 870 yevro bilan cheklandi.