Karlos Alkaraz Novak Jokovichni magʻlub etib, «Australian Open — 2026» gʻolibiga aylandi
Dunyoning birinchi raqamli tennischisi, ispaniyalik Karlos Alkaras o‘z faoliyatidagi unutilmas g‘alabalardan birini tantana qildi. Bugun, 1 fevral kuni Alkaras «Australian Open – 2026» turniri finalida afsonaviy Novak Jokovichni mag‘lub etib, musobaqa g‘olibiga aylandi. To‘rt set davom etgan murosasiz bahs 2:6, 6:2, 6:3, 7:5 hisobida ispaniyalik tennischining g‘alabasi bilan yakunlandi.
E’tiborlisi, Karlos Alkaras uchun bu ketma-ket qo‘lga kiritilgan ikkinchi «Katta dubulg‘a» chempionligidir. U 2025 yilgi mavsumning so‘nggi yirik turniri — «US Open» finalida ham italiyalik Yannik Sinnerni (6:2, 3:6, 6:1, 6:4) mag‘lub etib, bosh sovrinni boshi uzra baland ko‘targan edi.
«Australian Open»dagi ushbu muvaffaqiyat Alkaras uchun faoliyatidagi birinchisi bo‘ldi. Shu tariqa, 22 yoshli tennischi o‘z kolleksiyasini to‘ldirdi: u bungacha qolgan uchta «Katta dubulg‘a» turnirining har birida ikki martadan g‘olib chiqishga ulgurgan edi.
