Gauff va Sabalenka Madrid finalida to‘qnash keladi — Iga Swiatek yirik hisobda mag‘lub bo‘ldi
WTA 1000 toifasiga kiruvchi nufuzli Mutua Madrid Open musobaqasida ayollar o‘rtasidagi finalchilar nomi ma’lum bo‘ldi. 21 yoshli amerikalik Coco Gauff (WTA reytingida 4-o‘rin) dunyoning ikkinchi raketkasi, polyak Iga Swiatekni mag‘lub etdi. Uchrashuv atigi 65 daqiqa davom etdi va 6:1, 6:1 hisobida yakunlandi.
Ikkinchi yarim finalda belarus tennischisi Arina Sabalenka ukrainalik Elina Svitolina ustidan g‘alaba qozondi — 6:3, 7:5. U shu tariqa Svitolinaning ketma-ket 11 g‘alabadan iborat seriyasini to‘xtatdi. Bu Sabalenka uchun faoliyatidagi 37-final, joriy mavsumdagi 6-va oxirgi 4-turnirdagi 4-final hisoblanadi. Madridda esa u to‘rtinchi bor finalda o‘ynaydi.
Sabalenka bosh sovrin uchun Gauffga qarshi kurash olib boradi. Ular o‘rtasidagi o‘zaro o‘yinlarda hozircha amerikalikning ustunligi bor — 5:4.
Final 3 may kuni Toshkent vaqti bilan soat 14:00 da boshlanadi.
