Farg‘ona va Toshkent shaharlarida “Young Tennis Stars” dasturi doirasida ATF Kinder Tennis xalqaro seminari o‘tkaziladi
Osiyo tennis federatsiyasi hamda O‘zbekiston tennis federatsiyasi ko‘magida Farg‘ona va Toshkent shaharlarida yosh tennischilarni rivojlantirishga qaratilgan ATF Kinder Tennis xalqaro seminari tashkil etilmoqda.
14-may kuni seminar Farg‘ona shahrida bo‘lib o‘tadi.
15–16-may kunlari Toshkent shahrida seminar doirasida nazariy va amaliy mashg‘ulotlar tashkil etiladi. Ishtirokchilar Kinder Tennis dasturi asosida zamonaviy metodikalarni o‘rganish hamda amaliy ko‘nikmalarni rivojlantirish imkoniyatiga ega bo‘ladilar.
16-may kuni seminar doirasida ota-onalar uchun maxsus ma’ruza bo‘lib o‘tadi. Unda farzandni sportda qo‘llab-quvvatlash, motivatsiya berish va murabbiy bilan samarali hamkorlik qilish masalalari muhokama qilinadi. Shuningdek, “ota-ona va bola” formatida amaliy mashg‘ulot o‘tkaziladi.
Manzil:
Farg‘ona shahri, “Istiqlol” tennis korti, Aeroport ko‘chasi, 2/2
Toshkent shahri, Mirzo-Ulug‘bek tumani, Yalang‘och massivi, 82A, Respublika Olimpiya zaxiralari tennis maktabi filiali “Umid” sport majmuasi
