Darya Kasatkina ijtimoiy tarmoqlardagi salbiy fikrlar haqida fikr bildirdi
Hozirda jahon reytingida 14-o'rinni egallab turgan rossiyalik tennischi Darya Kasatkina mag'lubiyatlaridan so'ng ijtimoiy tarmoqlardagi postlariga salbiy izohlar qoldiradigan stavkachilar haqida fikr bildirdi.
TennisUpToDate portali uning quyidagi so'zlarini keltiradi:
«Musobaqalar paytida men ijtimoiy tarmoqlardagi izohlarni yopaman, chunki bu — jinguna. Odamlar aqlidan ozgan. Qanday qilib shuncha yovuz bo'lish mumkinligini tushunmayman. Ularda hech qanday mantiq yo'q — bu aniq. O'zingiz pul tikasiz va menga ishonib, tennis o'yiniga stavka qilasiz. Hech qanday o'yin 100% g'alabani kafolatlamaydi. Men yutqazib qo'ydim, siz ham yutqazib qo'ydingiz — keyin esa o'z noto'g'ri tanlovingiz uchun meni ayblaysiz».
So'nggi haftalarda Avstraliya sharafini himoya qilib kelayotgan Darya Kasatkina Charlstonda bo'lib o'tgan turnirning chorak finalida amerikalik Sofiya Keninga 6:3, 7:6 hisobida yutqazdi.
