ATP reytingi: Shin 685, Milushev 270 pog‘onaga ko‘tarildi — tennischilarimiz tez sur'atlarda oldinga intilmoqda!
Professional Tennischilar Assotsiatsiyasi (ATP) 9 iyun holatiga ko‘ra yangi haftalik reytingni e'lon qildi. Quvonarlisi, unda 8 nafar o‘zbekistonlik tennischi qayd etilgan. Xususan, ikki tennischimiz — Maksim Shin va Amir Milushev reytingda katta sakrashga erishishdi.
Maksim Shin Toshkentdagi turnirlardagi muvaffaqiyatli ishtirokidan so‘ng 685 pog‘onaga yuqorilab, 1052-o‘rinni egalladi. Bu natija bilan u O‘zbekistonning uchinchi raketkasiga aylandi. Amir Milushev esa 270 pog‘ona yuqorilab, 1409-pog‘onadan joy oldi. Endi u mamlakatimizda to‘rtinchi raqamli tennischi sifatida qayd etilmoqda. Ikkinchi raketkamiz Sergey Fomin ham 6 pog‘ona yuqorilab, 447-o‘rinni egalladi.
E’tiborli jihati, mamlakatning birinchi raketkasi Humoyun Sultonov 4 pog‘ona pastlab, 227-o‘ringa tushdi. Rahimbek Ibrohimov esa 102 pog‘onaga pasaydi.
O‘zgarishlarga ko‘ra, tennischilarimiz quyidagi reyting ochkolarini jamg‘arishdi:
• Maksim Shin — +10 ochko
• Sergey Fomin — +3 ochko
• Amir Milushev — +2 ochko
Reytingga kiritilgan boshqa tennischilarimiz:
• Botir Sapaev — 1771T (1 ochko)
• Abdulaziz Usmonjonov — 1867T (1 ochko)
• Damir Abdusamadov — 1962T (1 ochko)
ATP Top-10 (9 iyun holatiga ko‘ra):
1. (1) Jannik Sinner (Italiya) — 10 880 ochko
2. (2) Carlos Alcaraz (Ispaniya) — 8 850
3. (3) Aleksandr Zverev (Germaniya) — 6 385
4. (5) Jek Dreyper (Buyuk Britaniya) — 4 800
5. (6) Novak Jokovich (Serbiya) — 4 630
6. (7) Lorenzo Muzetti (Italiya) — 4 560
7. (4) Taylor Fritz (AQSH) — 4 485
8. (11) Tommy Paul (AQSH) — 3 510
9. (10) Holger Rune (Daniya) — 3 440
10. (9) Alex De Minaur (Avstraliya) — 3 285
O‘zbekistonlik tennischilarning ATP reytingidagi holati:
Raqami Ism O‘rin Ochko (+/-)
1 Humoyun Sultonov 227 247 -3
2 Sergey Fomin 447 99 +3
3 Maksim Shin 1052 12 +10
4 Amir Milushev 1409 4 +2
5 Botir Sapaev 1771T 1 +1
6 Abdulaziz Usmonjonov 1867T 1 +1
7 Rahimbek Ibrohimov 1860 1 -102
8 Damir Abdusamadov 1962T 1 +1
