AQSh JCHni g‘alaba bilan boshladi
Jahon chempionati “D” guruhi doirasida AQSh va Paragvay terma jamoalari o‘rtasidagi 1-tur uchrashuvi bo‘lib o‘tdi. Bahs amerikaliklarning 4:1 hisobidagi g‘alabasi bilan yakunlandi.
Hisob 7-daqiqada ochildi. Paragvaylik yarim himoyachi Damian Bobadilya o‘z darvozasini ishg‘ol qilib, AQShni oldinga olib chiqdi. 29-daqiqada Folaring Balogun gol urgandi, biroq ofsayd sababli u hisobga olinmadi.
Biroq oradan ikki daqiqa o‘tib, amerikalik hujumchi baribir o‘z nomini tabloga yozdirishga muvaffaq bo‘ldi. Balogun 31-daqiqada jamoasining ikkinchi golini kiritdi. U birinchi bo‘limning 45-daqiqasida yana bir bor raqib darvozasini ishg‘ol qilib, dubl qayd etdi.
Ikkinchi bo‘lim o‘rtalarida Paragvay Maurisioning goli evaziga hisobdagi farqni qisqartirdi. Biroq uchrashuvga qo‘shib berilgan vaqtning 90+8-daqiqasida Jovanni Reyna AQShning to‘rtinchi golini urdi va bahsga yakuniy nuqta qo‘ydi.
JCH-2026. D guruhi. 1-tur
AQSh — Paragvay 4:1
Gollar: Bobadilya 7 (avt), Balogun 31, 45+5 (dubl), Reyna 90+8 — Maurisio 73.
