Zarafshonda “Yangi O‘zbekiston – Olimpiya cho‘qqilari” musobaqasining mintaqaviy bosqichi o‘tkazildi

Boshqa sport turlari 14 iyn 2025 da 05:35

Bakradze Iman

Redaktor

Prezidentimiz tashabbusi bilan yosh iste’dodlarni aniqlash, ularning sport salohiyatini ro‘yobga chiqarish va har tomonlama qo‘llab-quvvatlash maqsadida o‘tkazilayotgan “Yangi O‘zbekiston – Olimpiya cho‘qqilari” musobaqasining yunon-rum va erkin kurash yo‘nalishlari bo‘yicha mintaqaviy bosqichi Navoiy viloyatining Zarafshon shahrida bo‘lib o‘tdi.

Unda Zarafshon shahar, Tomdi va Uchquduq tumanlaridan yetishib chiqqan iqtidorli yosh sportchilar ishtirok etdi. Bellashuvlar yuqori raqobat va sport ruhi ostida o‘tdi.

G‘olib va sovrindorlar musobaqaning viloyat bosqichiga yo‘llanma olib, o‘z hududlarining sport salohiyatini yana bir bor namoyon etishdi.