Zarafshon shahar hokimi Olimpiadasi doirasida voleybol musobaqasi o‘tkazildi
Zarafshon shahrida yoshlar o‘rtasida sog‘lom turmush tarzini keng targ‘ib etish hamda ularning sportga bo‘lgan qiziqishini yanada oshirish maqsadida “Shahar hokimi Olimpiadasi” doirasida voleybol musobaqasi tashkil etildi.
Mazkur musobaqada umumta’lim maktablari hamda sport maktabi jamoalari faol ishtirok etib, o‘zaro qizg‘in va murosasiz bahslarda kuch sinashdilar. Har bir jamoa g‘alaba uchun bor kuchi, mahorati va jamoaviy hamjihatligini namoyon etdi.
Musobaqa yakunlariga ko‘ra:
Qizlar o‘rtasida:
1-o‘rin — Sport maktabi
2-o‘rin — 9-maktab
3-o‘rin — 6-maktab
O‘g‘il bolalar o‘rtasida:
1-o‘rin — Sport maktabi
2-o‘rin — 12-maktab
3-o‘rin — 6-maktab
Musobaqa davomida ishtirokchilar yuqori sport mahorati, jamoaviylik va g‘alabaga bo‘lgan intilishlarini yaqqol namoyish etdilar.
Tadbir yakunida g‘olib va sovrindor jamoalar munosib taqdirlanib, ularga diplom hamda esdalik sovg‘alari topshirildi.
