Yurtimizda oʻtkazilgan \"Tour of Bostonliq\" turniri oʻz yakuniga yetdi
Bugun, butun Osiyo velosport olamini bir joyga jamlagan Toshkent viloyatining "Boʻstonliq" tumanida oʻtkazilgan xalqaro UCI reytingi ochkolarini taqdim etuvchi "Tour of Bostonliq" musobaqasi o‘z yakuniga yetdi.
Mazkur xalqaro poyga UCI reyting ochkolari beruvchi poygalar kalendar rejasidan o‘z o‘rnini egallagan hamda Markaziy Osiyo davlatlari orasida faqat O‘zbekistonda o‘tkaziladigan yagona poygadir.
Aytishimiz kerak-ki, poyga mobaynida turnir tugayotganini his etgan holda, barcha qatnashuvchilar faqat gʻoliblik sari harakatlanib, kuzatuvchilarga katta raqobatli, keng koʻrimli va qiziqarli kurashni tuhfa etdilar.
Mamlakatimizda oʻtkazilgan nufuzli turnirda yana milliy terma jamoamiz sportchilari ketma-ket birinchi o‘rinlarni egallab ayollar jamoasi 79 - UCI reyting ochkosi, erkaklar jamoasi 39 - UCI reyting ochkosi egallab, jami velosport milliy terma jamoasi hisobiga 118 - UCI reyting ochkosini qo‘lga kiritdilar.
