“Yilning eng yorqin tadbiri” nominatsiyasida FIA Awards taqdirlash marosimi g‘olib deb topildi
Poytaxtda “Milliy sport mukofoti – 2025” tantanali taqdirlash marosimi bo‘lib o‘tdi. Tadbir davomida yil davomida fidokorona mehnat qilib, yuqori natijalarga erishgan sportchilar, sport tashkilotlari, murabbiylar va mutaxassislar taqdirlandi.
“Yilning eng yorqin tadbiri” nominatsiyasida FIA Awards taqdirlash marosimi g‘olib deb topildi. Ushbu marosim Xalqaro avtomobil federatsiyasi hamda O‘zbekiston Milliy Avtomobil va Mototsikl Federatsiyasi (NAFKU) tomonidan tashkil etilib, O‘zbekiston Milliy Olimpiya qo‘mitasi va O‘zbekiston Respublikasi Sport vazirligi ko‘magida, O‘zbekiston Respublikasi Hukumatining patronaji ostida o‘tkazildi.
Mukofotni Federatsiya nomidan Federatsiyaning Birinchi vitse-raisi va Bosh kotibi — Aleks Tsoy qabul qilib oldi.
