Yengil atletika. Sharifa Davronova oltin medalni qoʻlga kiritdi

Oʻzbekiston delegatsiyasi Germaniyada nihoyasiga yetib borayotgan Butunjahon yozgi Universiada oʻyinlaridagi ishtirokini yakunladi.

Bugungi bahslarda qatnashgan oʻzbekistonlik yengil atletikachi Sharifa Davronova oltin medalni qoʻlga kiritdi.

Uch hatlab sakrash dasturida ishtirok etgan Davronova 14,33 metrga sakrab, faoliyatidagi eng yaxshi natijani ham qayd etishga muvaffaq boʻldi.

Shu tariqa, Oʻzbekiston delegatsiyasi mazkur Universiada oʻyinlarida 4 ta oltin, 4 ta kumush va 7 ta bronza medallarini jamgʻarib, oʻz tarixidagi eng yaxshi natijani namoyish etdi.

Bahrom Bobonov

Redaktor