\"Yangi O‘zbekiston Olimpiya cho‘qqilari\" musobaqasi poytaxtda ham o‘tkazilmoqda
Poytaxtimizning Yashnobod tumani 2-sonli sport maktabida "Yangi O‘zbekiston Olimpiya cho‘qqilari" musobaqaaining dzyudo bo‘yicha mintaqaviy bosqich bahslari bo‘lib o‘tdi.
Unda Toshkent shahrining Mirobod, Mirzo Ulug‘bek, Yashnobod va Bektemir tumanlaridan kelgan dzyudochilar g‘oliblik yo‘lida o‘zaro bahs olib borishdi. Bellashuvlarda Timur Muhammedxanov, Baurjan Abishev singari xalqaro toifadagi referilar hakamlik qilishdi.
Murosasiz kechgan o‘g‘il bolalar o‘rtasidagi bahslarda yashnobodlik Ismoilov (-50 kg), Choxuboyev (-55 kg), Qurbonov (+90 kg), bektemirlik Akromjonov (-60 kg), mirobodlik Rustamov (-73 kg) hamda Mirzo Ulug‘bek tumanidan Buchinsev (-81 kg) birinchi o‘rinni egallashdi.
G‘olib va sovrindorlarni taqdirlash marosimida Toshkent shahar sport boshqarmasi boshlig‘i o‘rinbosari F.Abduraimov, Sport vaziri Axborot xizmati rahbari N.Salomov, O‘zbekiston dzyudo federatsiyasi mas’ul xodimlari, sport maktabi direktorlari ishtirok etdi.
