Xovos tumanida DXX kubogi sport musobaqalariga start berildi

Yoshlar o‘rtasida sog‘lom turmush tarzini targ‘ib qilish, ularni sportga keng jalb etish hamda bo‘sh vaqtlarini mazmunli tashkil etish maqsadida yurtimizda an’anaviy tarzda o‘tkazib kelinayotgan Davlat xavfsizlik xizmati kubogi sport musobaqalari bu yil ham yuqori saviyada davom etmoqda.

Shu munosabat bilan Xovos tumanida mazkur musobaqaning tuman bosqichi tantanali ravishda ochib berildi. Ochilish marosimida tuman hokimi, sektor rahbarlari, tegishli tashkilotlar vakillari, sport murabbiylari hamda keng jamoatchilik ishtirok etdi.

Tadbir davomida yoshlarni sportga jalb etish, ularning jismoniy va ma’naviy barkamolligini ta’minlash borasida amalga oshirilayotgan ishlar alohida ta’kidlab o‘tildi.

Roziqjon Sultonmurodov

Jurnalist