Xorazmda «Mahalla ligasi» sport musobaqalariga tantanali start berildi
“Besh tashabbus” olimpiadasi doirasida 30 yoshdan yuqori aholi o‘rtasida o‘tkaziladigan “Mahalla ligasi” sport musobaqalarining tantanali ochilish marosimi bo‘lib o‘tdi.
Mazkur tadbirda Xorazm viloyati hokimligi, O‘zbekiston Respublikasi Davlat xavfsizlik xizmati Xorazm viloyati boshqarmasi, viloyat sport boshqarmasi hamda O‘zbekiston mahallalari uyushmasi, viloyat prokuraturasi, viloyat IIB Xorazm viloyati boshqarmasi mas’ullari ishtirok etishdi.
Ochilish marosimida respublikamizning 14 ta hududi onlayn tarzda ulanib, musobaqalarga bir vaqtning o‘zida start berildi.
“Mahalla ligasi” musobaqalari aholining jismoniy faolligini oshirish, sog‘lom turmush tarzini keng targ‘ib qilish hamda mahallalarda sportni yanada ommalashtirishga xizmat qiladi.
