Voleybol. Markaziy Osiyo chempionatiga tayyorgarlik davom etmoqda

22–29 iyun kunlari Pokistonda voleybol bo'yicha erkaklar o'rtasida Markaziy Osiyo chempionati bo'lib o'tadi.

Ushbu nufuzli musobaqaga puxta tayyorgarlik ko'rish maqsadida O'zbekiston erkaklar milliy terma jamoasi ayni kunlarda "Jar" sport majmuasida o'quv-mashg'ulot yig'inini o'tkazmoqda.

O'zbekiston Voleybol federatsiyasi bosh kotibi Farhod Alimov terma jamoa mashg'ulotlarini kuzatdi. Tashrif davomida jamoa a'zolari va murabbiylar shtabi bilan uchrashuv o'tkazilib, oldinda turgan Markaziy Osiyo chempionatiga tayyorgarlik jarayoni, musobaqa oldidagi rejalar hamda jamoaning asosiy maqsad va vazifalari muhokama qilindi.

Terma jamoamizga bo'lajak musobaqada omad va zafarlar tilaymiz!

Ibrohim Jalolov

Redaktor