Voleybol. CAVA Men’s Championship 2026 musobaqasi oldidan terma jamoa bilan uchrashuv o‘tkazildi
Xalqaro maydondagi muhim musobaqalardan biri — CAVA Men’s Championship 2026 oldidan O‘zbekiston erkaklar milliy terma jamoasi bilan yig‘ilish tashkil etildi. Unda O‘zbekiston voleybol federatsiyasi raisi o‘rinbosari Jamshid Shukrullayevich Fayziyev, federatsiya bosh kotibi Farhod Sharibovich Alimov hamda terma jamoa bosh murabbiyi Muhiddin Shodmonovlar ishtirok etdi.
Uchrashuv davomida sportchilar bilan ochiq muloqot olib borilib, jamoaning tayyorgarlik jarayoni, mavjud taklif va muammolar muhokama qilindi. Shuningdek, musobaqaning nufuzi, xalqaro maydondagi ahamiyati va terma jamoa oldida turgan mas’uliyatli vazifalar yuzasidan fikr almashildi.
Mutasaddilar tomonidan sportchilarga musobaqada yuqori natija qayd etish, yurtimiz sharafini munosib himoya qilish hamda maydonda maksimal fidoyilik ko‘rsatish borasida maslahat va tavsiyalar bildirildi.
