Voleybol. “Barkamol avlod – 2025” respublika final bosqichiga start berildi
Toshkent viloyati Olmaliq shahridagi OKMK sport majmuasida voleybol bo‘yicha qizlar o‘rtasidagi Respublika final bosqichi tantanali ravishda boshlandi. O‘zbekiston voleybol federatsiyasi hamkorligida o‘tkazilayotgan mazkur musobaqada respublikamizning turli hududlaridan tashrif buyurgan 150 nafardan ortiq akademik litsey va professional ta’lim muassasalari o‘quvchi-yoshlari ishtirok etmoqda.
Ochilish marosimida so‘zga chiqqan mutasaddilar yosh sportchilarga omad tilab, ushbu turnir voleybolni ommalashtirish va iqtidorli qizlarni saralashda muhim bosqich ekanini ta’kidladilar. Final bosqichi davomida jamoalar o‘z mahorati, jamoaviy hamjihatligi va g‘alabaga bo‘lgan intilishini namoyon etadi.
O‘zbekiston voleybol federatsiyasi nomidan barcha ishtirokchilarga muvaffaqiyat va yorqin g‘alabalar tilaymiz!
