Voleybol. AVC Women’s Volleyball Cup – 2026 musobaqasiga start sanasi aniqlandi
Osiyo voleybol konfederatsiyasi taqvimiga muvofiq, AVC Women’s Volleyball Cup – 2026 musobaqasi 6–14-iyun kunlari Filippinning Kandon shahrida bo‘lib o‘tadi.
Mazkur nufuzli turnir Osiyo qit’asining kuchli ayollar terma jamoalarini bir maydonda jamlab, yuqori darajadagi raqobat va boy xalqaro tajriba almashinuvini ta’minlaydi.
O‘zbekiston ayollar milliy terma jamoasi ham ushbu musobaqada ishtirok etib, yurtimiz sharafini munosib himoya qilish uchun bahslarda maydonga tushadi. Qur’a natijalariga ko‘ra, O‘zbekiston terma jamoasi “A” guruhidan joy oldi va quyidagi jamoalar bilan bahs olib boradi:
Filippin, Xitoy Taypeyi, Koreya, Qirg‘iziston va Avstraliya
Turnir voleybol muxlislari uchun qiziqarli va murosasiz uchrashuvlarga boy bo‘lishi kutilmoqda.
