Viktor Gustafsson - FIA Karting Kz bo'yicha Jahon chempioni
Le-Man shahrida KZ klassi bo‘yicha FIA Karting World Championship 2026 yakunlandi.
Shvetsiyalik sportchi Viktor Gustafsson xalqaro kartingning asosiy toifalaridan birida yangi jahon chempioniga aylandi.
Final bosqichi mashhur “24 soat Le-Man” avtodromi yaqinida joylashgan, uzunligi 1400 metr bo‘lgan Le Mans Karting International Circuit trassasida bo‘lib o‘tdi.
Chempionatda KZ, KZ2 va KZ2 Masters klasslarida 230 nafar poygachi ishtirok etdi.
Karting — xalqaro avtosportdagi eng muhim bosqichlardan biri. Aynan shu yo‘nalishda yosh poygachilar raqobat tajribasini orttiradi, pilotaj mahoratini rivojlantiradi va professional poyga seriyalariga yo‘lini boshlaydi.
UZMAMF uchun O‘zbekistonda kartingni rivojlantirish — mamlakat avtosporti kelajagini shakllantirishning muhim qismidir.
