Velosport. UCI reytingi yangilandi. O'zbekiston Ayollar jamoasi Osiyoda birinchi o'rinda
Saudiya Arabistoni mezbonlik qilgan veloshosse bo'yicha Osiyo chempionati O'zbekiston terma jamoasi uchun muvaffaqiyatli o'tdi.
Turnir yakunlangach, UCI jahon va Osiyo reytingini yangiladi. Unga ko'ra, O'zbekiston ayollar terma jamoasi Osiyoda birinchi o'rinda qayd etildi, xalqaro reytingda esa qizlarimiz 22-o'rinda qayd etilgan. Shuningdek, Erkaklar terma jamoamiz Qozog'iston terma jamoasidan so'ng 930 ochko bilan qit'ada ikkinchi o'ringa ko'tarilgan. Xalqaro reytingda esa yigitlarimiz ikki pog'ona yuqorilab, 40-o'ringa joylashdi.
Bu natijani mamlakatimizda velosportni rivojlantirish yo'lida olib borilayotgan tizimli islohotlar samarasi sifatida ko'rish mumkin. Ma'lumot o'rnida, Osiyoning 25 dan ortiq davlatidan 350 nafarga yaqin sportchi qatnashgan qit'a birinchiligida O'zbekiston delegatsiyasi munosib ishtirok etdi. Terma jamoamiz 1 ta oltin, 2 ta kumush va 2 ta bronza — jami 5 ta medalni qo'lga kiritib, umumjamoa hisobida kuchli uchlikdan joy oldi.
