Velosport. Tour of Antalya o'zbek sportchilari uchun omadli boshlandi
Turkiyaning Antalya shahri veloshosse bo'yicha "Tour of Antalya" xalqaro ko'pkunlik musobaqaga mezbonlik qilmoqda.
Bugun birinchi kungi dasturdan o'rin olgan poygada 🇺🇿O'zbekiston milliy terma jamoasi a'zosi Sergey Rostovtsev ikkinchi o'rinni egalladi. 145 km masofada o'tgan bellashuvda hamyurtimiz jiddiy qiyinchiliklarga duch keldi. Xususan, sportchimizda masofa davomida 4 bor g'ildirak teshilishi kuzatildi. Shunga qaramay bor mahoratini ishga solgan Sergey yakunda faxrli ikkinchi natijani qayd etdi.
Ma'lumot o'rnida, Vladimir Starchik boshchiligidagi terma jamoamiz a'zolari turnirda quyidagi tarkib bilan ishtirok etishmoqda:
Sergey Rostovtsev, Murodjon Xolmurodov, Farruh Bobosherov, Nikita Svetkov, Dmitriy Bocharov va Diyor Toxirov.
Eslatib o'tamiz, 15-martga qadar davom etadigan musobaqa Xalqaro velosipedchilar ittifoqi (UCI) taqvimiga kiritilgan bo'lib, unda reyting ochkolari taqdim etiladi.
