Velosport. Sergey Rodtovtsevdan to'rtinchi oltin medal

Yilning ilk musobaqasi bo'lmish "ASEAN TRACK SERIES" O'zbekiston terma jamoasi uchun ko'tarinki kayfiyatda davom etyapti.

Ayniqsa, erkaklar o'rtasidagi bahslarda milliy terma jamoamiz a'zosi Sergey Rostovtsev barchamizni xursand qilishda davom etmoqda. Vakilimiz bugungi ikkinchi bosqich doirasida o'tgan "omnium" dasturda ham tengsiz ekanligni isbotladi va navbatdagi oltin medalni qo'lga kiritdi.

Bunga qadar Sergey, "ASEAN TRACK SERIES"ning birinchi bosqichida o'tkazilgan "omnium", "scratch" va "elemination" dasturlarida oltin medalni terma jamoamiz hisobiga yozib qoygandi.

Eslatib o'tamiz, velotrekda "omnium" dasturi eng murakkab va olimpiya o'yinlari yo'nalishi hisoblanadi.

Ibrohim Jalolov

Redaktor