Velosport. Osiyo velosport konfederatsiyasining yangi saylangan rahbariyati ishtirokida ACC Boshqaruv qo'mitasining yig'ilishi o'tkazildi
Osiyo velosport konfederatsiyasining yangi saylangan rahbariyati ishtirokida ACC Boshqaruv qo'mitasining yig'ilishi o'tkazildi. Unda UCI prezidenti David Lapartient, Osiyo velosport konfederatsiyasi prezidenti Dato' Amarjit Singh hamda konfederatsiyaning bosh kotibi Kozim O'rinboyxo'jayev va qo'mita a'zolari ishtirok etishdi.
Yig'ilish Osiyo velosport konfederatsiyasining sobiq prezidenti (2017–2025) va UCI sobiq vitse-prezidenti (2021–2025) Osama Al Shafarning vafoti munosabati bilan 1 daqiqalik sukut saqlash bilan boshlandi.
Yig'ilish davomida UCI prezidenti va Osiyo velosport konfederatsiyasi prezidenti tomonidan mintaqada mazkur sport turini rivojlantirish, xalqaro hamkorlik va ACCning strategik yo'nalishini mustahkamlash borasida ustuvor vazifalar bayon qilindi.
