Velosport. 3-bosqich poygalari ham o'z nihoyasiga yetdi
Avvalroq xabar berganimizdek, Tailandda velosportning shosse yo'nalishi bo'yicha "Women's Tour of Thailand" musobaqasi bo'lib o'tmoqda.
Turnirning 3-bosqich poygalari ham o'z nihoyasiga yetdi. 81.9 km masofada bo'lib o'tgan murakkab poygada O'zbekiston ayollar terma jamoasi munosib ishtirok etdi.
Shaxsiy yakkalik poygada Yanina Kuskova marraga 7-bo'lib yetib keldi va umumiy 3 ta bosqich natijalariga ko'ra, 100 ga yaqin kuchli sportchilar orasida 6-o'rinni egalladi. Shu bilan birga, Madina Qahhorova, Shahnoza Abdullayeva, Viktoriya Polzunova hamda Mohinabonu Elmurodovalar terma jamoamiz sharafini himoya qilishdi.
Qayd etish kerak, 3-bosqich poygasi davomida hamyurtimiz Shahnoza Abdullayeva kichik jarohat oldi. Shunday bo'lsa ham irodali poygachimiz bahsni davom ettirib, finishga qadar yetib keldi
