UzChess Cup: 27 iyun kuni chempionlar aniqlanadi!

Uch guruhda ham o‘zbekistonlik shaxmatchilar chempionlik uchun jiddiy kurash olib boryapti

Boshqa sport turlari 27 iyn 2025 da 05:51

Rasm: Gazeta.uz

Poytaxtimizda o‘tayotgan nufuzli UzChess Cup xalqaro shaxmat turnirida hal qiluvchi — 9-tur bellashuvlari boshlandi. Musobaqa Masters, Challengers va Futures guruhlarida o‘tkazilmoqda va har uchala guruhda ham yurtdoshlarimiz chempionlik sari yaqin turibdi.

Masters guruhi:

Ayni vaqtda Nodirbek Abdusattorov 5,5 ochko bilan peshqadam sifatida Rameshbabu Praggannandha'ga qarshi oq donalarda bahs olib bormoqda. Raqibi 4,5 ochko bilan 3-o‘rinda turibdi.
Javohir Sindarov 5 ochko bilan 2-o‘rinni egallab, bugun Parham Maqsoodlu'ga qarshi o‘ynayapti.
Qolgan uchrashuvlar:
• Shamsiddin Vohidov vs Yan Nepomnyashiy
• Nodirbek Yakubboev vs Richard Rapport
• Arjun Ergaisi vs Aravindh Chitambaram

Challengers guruhi:

Gretsiyalik Nikolas Theodorou kechagi mag‘lubiyatga qaramay 5,5 ochko bilan peshqadam. U bugun xitoylik Ma Kunga qarshi o‘ynayapti.
O‘zbekistonlik Muhiddin Madaminov 5 ochko bilan 2-o‘rinda va Jahongir Vohidovga qarshi derbini olib bormoqda.
Shuningdek:
• Gulruhbegim Tohirjonova vs Endryu Hong
• Muhammadzohid Suyarov vs Vasiliy Ivanchuk

Futures guruhi:

Besh ochkodan jamg‘argan Evgeniy Alekseev (Isroil) va Saparmirat Atabayev (Turkmaniston) guruh peshqadamlari.
Ortiq Nighmatov 4,5 ochko bilan 3-o‘rinda. U so‘nggi turda Alekseevga qarshi hal qiluvchi bahs olib bormoqda.
Shuningdek:
• Abdumalik Abdisalimov vs Saparmirat Atabayev

Bugungi 9-tur natijalari UzChess Cup chempionlarini aniqlaydi. Yurtdoshlarimizni qo‘llab-quvvatlaymiz va omad tilaymiz!

Mashhur yangiliklar