UzChess Cup 2025: Toshkentda elita grossmeysterlar to‘plangan nufuzli turnir start olmoqda

105 000 dollarlik mukofot jamg‘armasi uchun jahon yulduzlari va o‘zbekistonlik mohir shaxmatchilar bellashadi

Boshqa sport turlari 19 iyn 2025 da 03:47

Rasm: Gazeta.uz

Bugun, 19 iyun kuni Toshkentdagi Xalqaro shaxmat akademiyasida jahon shaxmatining eng sara yulduzlari to‘plangan UzChess Cup 2025 turniri boshlanadi. Ikkinchi bor tashkil etilayotgan ushbu nufuzli musobaqaning umumiy mukofot jamg‘armasi 105 000 AQSH dollarini tashkil etib, uch toifada — Masters, Challengers va Futures guruhlarida o‘tkaziladi.

Eng kuchli grossmeysterlar ishtirok etadigan Masters guruhida rossiyalik sobiq jahon chempioni Yan Nepomnyashiy, hindistonlik mashhur shaxmatchilar Aravindh Chithambaram, Rameshbabu Praggnanandhaa va Arjun Erigaisi, Eron vakili Parham Maqsoodlu, shuningdek, O‘zbekiston sharafini himoya qiluvchi Nodirbek Abdusattorov, Javohir Sindarov, Nodirbek Yakubboev va Shamsiddin Vohidov g‘alaba uchun kurash olib borishadi.

UzChess Cup nafaqat yurtimiz, balki xalqaro shaxmat sahnasida ham tobora nufuz qozonayotgan musobaqalardan biriga aylanmoqda.