Usmon Nurmagomedovning ehtimoliy raqibi va jang sanasi maʼlum boʻldi

Yengil vazn toifasida amaldagi PFL chempioni Usmon Nurmagomedov navbatdagi janggini britaniyalik Alfi Devisga qarshi oʻtkazishi mumkin. Bu haqda insayder Al Zulino xabar bermoqda.

Manbaga koʻra, ushbu jang 2026 yilning fevral oyida Dubayda boʻlib oʻtadigan PFL turniri doirasida tashkil etilishi kutilmoqda.

Maʼlumot uchun, Nurmagomedov professional MMA’da 20 ta jang oʻtkazib, barchasida gʻalaba qozongan.

Alfi esa hozirgacha 26 marta oktagonga koʻtarilib, 20 gʻalaba, 5 magʻlubiyat va 1 durang qayd etgan.

Nasrullo Karimov

Jurnalist