Turon yo‘lbarslari harbiy-sport musobaqasining hududiy bosqichi bo‘lib o‘tdi
Samarqand viloyatidagi ixtisoslashtirilgan ta’lim muassasalari tizimiga kiruvchi Prezident, ijod, sport va ixtisoslashtirilgan maktablar hamda maktab-internatlarning “Vatan tayanchi” otryadi o‘quvchilari o‘rtasida “Turon yo‘lbarslari” harbiy-sport musobaqasining hududiy bosqichi o‘tkazildi.
Musobaqada 19 ta jamoa 7 ta shart bo‘yicha o‘zaro bellashdi.
Musobaqa yakunlariga ko‘ra g‘olib va sovrindor jamoalar:
1-o‘rin — Urgut tumani ixtisoslashtirilgan maktabining “Turon arslonlari” jamoasi
2-o‘rin — Pastdarg‘om tumani 2-son ixtisoslashtirilgan maktab-internatining “Ko‘k bo‘ri” jamoasi
3-o‘rin — Pastdarg‘om tumani ixtisoslashtirilgan maktabining “Pastdarg‘om yo‘lbarslari” jamoasi
G‘olib va sovrindor jamoalar faxriy yorliqlar hamda esdalik sovg‘alari bilan taqdirlandi.
Bellashuvda 1-o‘rinni qo‘lga kiritgan jamoa tanlovning Respublika bosqichida ishtirok etish huquqini qo‘lga kiritdi.
