Toshkentda sport gimnastikasi bo‘yicha O‘zbekiston chempionati yakunlandi
20 may kuni sport gimnastikasi bo‘yicha O‘zbekiston chempionati o‘z nihoyasiga yetdi. Bu musobaqa mamlakat yetakchi gimnastlari uchun xalqaro startlar oldidan muhim tayyorgarlik bosqichi bo‘ldi.
Ko‘plab ishtirokchilar uchun chempionat 2–16 iyun kunlari Janubiy Koreyada bo‘lib o‘tadigan Osiyo chempionati hamda undan so‘ng ilk bor Toshkentda tashkil etiladigan Jahon kubogi (“Challenge Cup”) bosqichi oldidan nazorat bahsi vazifasini o‘tadi.
Respublikamiz chempionati yakuniga ko‘ra, sportchilar yuqori tayyorgarlik, kuchli ruhiy holat va O‘zbekiston sharafini xalqaro arenalarda munosib himoya qilishga tayyor ekanliklarini namoyon etishdi.
Gimnastlarimizning chiqishlari ularning yaxshi sport formasida ekanini va jahon darajasidagi raqiblar bilan munosib raqobatlashishga tayyorligini ko‘rsatdi. Musobaqa nafaqat chempionlik uchun kurash, balki muhim startlar oldidan samarali sinov ham bo‘ldi.
