Toshkentda «Ko‘rinmas medal» hujjatli filmi namoyishi bo‘lib o‘tdi

Boshqa sport turlari 09 may 2025 da 04:52

Bakradze Iman

«Yulduz cinema» kinoteatrida O‘zbekiston olimpiya futbol terma jamoasiga bag‘ishlangan «Ko‘rinmas medal» nomli hujjatli film premyerasi bo‘lib o‘tdi.

Gazeta.uz sayti hamkorligida suratga olingan ushbu film tarixda ilk bor yozgi Olimpiya o‘yinlariga yo‘llanma olgan milliy jamoamizning sa’y-harakatlari va murabbiy Timur Kapadze boshchiligida bosib o‘tilgan yo‘l haqida hikoya qiladi.

Ta’kidlash joizki, film namoyishida Milliy olimpiya qo‘mitasi bosh kotibi Oybek Kasimov, O‘FA birinchi vitse-prezidenti Ravshan Irmatov hamda futbol sohasidagi bir qator rasmiylar va mutaxassislar ishtirok etdi.

Tadbir davomida rasmiylar Prezident tashabbusi bilan sportchilar uchun yaratilgan sharoitlar tufayli bu yutuqqa erishilganini qayd etishdi. Shuningdek, film ijodkorlariga minnatdorlik izhor etildi va davlat qo‘llab-quvvatlovi bilan o‘zbek futbolida yana ko‘p tarixiy sahifalar yozilishiga ishonch bildirildi.