Toshkentda gandbol bo‘yicha Osiyo chempionati start oldi
Bugun, 20 avgust kuni Toshkentda 19 yoshli qizlar o‘rtasida gandbol bo‘yicha Osiyo chempionati boshlandi. Qit'amizning eng kuchli 8 jamoasi g‘oliblik uchun kurash olib boradi.
O‘zbekiston terma jamoasi “A” guruhida Xitoy, Xitoy Taypeyi, Gonkong va Hindiston bilan bahslashadi. Hamyurtlarimiz dastlabki o‘yinni bugun Hindistonga qarshi o‘tkazadi. Uchrashuv soat 18:30 da “Alpomish” muz saroyida start oladi.
Jamoamizning guruh bosqichi taqvimi:
• 1-tur: O‘zbekiston – Hindiston (20 avgust, 18:30)
• 2-tur: O‘zbekiston – Gonkong (21 avgust, 18:00)
• 3-tur: O‘zbekiston – Xitoy Taypeyi (24 avgust, 18:00)
• 4-tur: O‘zbekiston – Xitoy (25 avgust, 18:00)
Ma’lumot uchun, ushbu chempionat 2026 yilgi U20 jahon chempionatiga saralash hisoblanadi. Yarim finalga chiqadigan to‘rtta jamoa jahon birinchiligi yo‘llanmasiga ega bo‘ladi.
