Toshkentda CAVA xalqaro voleybol musobaqasi tantanali tarzda ochildi

Boshqa sport turlari 11 iyn 2025 da 00:51

Bakradze Iman

Redaktor

2025-yil 10–16-iyun kunlari Toshkentdagi “Jar” sport majmuasida U-16 va U-19 yosh toifalari o‘rtasida xalqaro voleybol musobaqasi boshlandi. Ushbu musobaqa ketma-ket uchinchi bor o‘tkazilmoqda va joriy yilgi bahslar yuqori saviyada bo‘lib o‘tishi kutilmoqda.

Ochilish marosimida Sport vaziri A.Ikramov, Voleybol federatsiyasi raisi birinchi o‘rinbosari B.Abdullaev, tegishli tashkilotlar rahbarlari, xalqaro delegatsiyalar va OAV vakillari ishtirok etdi.

Rasmiylar o‘z nutqlarida voleybol so‘nggi yillarda nafaqat O‘zbekistonda, balki butun mintaqada jadal rivojlanayotganini, xalqaro musobaqalar esa yoshlar uchun muhim tajriba maktabi ekanini ta’kidlashdi.

Ishtirokchi jamoalar bayroqlar ostida tantanali tarzda maydonga kirib kelishdi. Musobaqa yosh sportchilar uchun faqatgina raqobat emas, balki madaniy almashinuv va do‘stlikni mustahkamlash imkoniyatini ham beradi.

Tadbir doirasida bayramona kontsert dasturi ham namoyish etildi. Unda O‘zbekistonning mashhur san’atkorlari, folklor jamoalari va yosh ijrochilar qatnashib, tomoshabinlarga ko‘tarinki kayfiyat ulashdi.

Ishtirokchi davlatlar: 🇮🇷 Eron, 🇮🇳 Hindiston, 🇰🇿 Qozog‘iston, 🇰🇬 Qirg‘iziston va 🇺🇿 O‘zbekiston terma jamoalari.