Toshkent viloyatida Tuxfatullin xotirasiga bag‘ishlangan shosse velosport bo‘yicha respublika turniri boshlandi
14 aprel kuni musobaqaning tantanali ochilishi bo‘lib o‘tdi, 15 apreldan esa Tuxfatullin xotirasiga bag‘ishlangan an’anaviy respublika turniri start oldi. Musobaqalar shosse velosport yo‘nalishida (o‘g‘il bolalar va qizlar o‘rtasida) o‘tkazilmoqda va 14 apreldan 17 aprelgacha, ya’ni uch kun davom etadi. Bellashuvlar Toshkent viloyatida bo‘lib o‘tadi.
Ushbu turnirning maqsadi - Tuxfatullin xotirasini abadiylashtirish, yosh avlodga uning sportdagi faoliyati va yutuqlarini tanitish, iqtidorli yoshlarni saralab olish va qo‘llab-quvvatlash, sportchilar o‘rtasida do‘stona raqobat va tajriba almashinuvini rivojlantirish, hamda yoshlar o‘rtasida velosportni ommalashtirishdir.
Eslatib o‘tamiz, 11 aprel kuni Samarqand shahrida O‘zbekiston chempionati bo‘lib o‘tdi. Unda Toshkent shahri, Toshkent viloyati va Surxondaryo vakillari yaxshi natijalar ko‘rsatishdi.
