Toshkent shahri mezbonlik qilgan U18 yosh toifasidagi Osiyo sohil voleyboli chempionati nihoyasiga yetdi
Olimpiya shaharchasida boʻlib oʻtgan musobaqa yuqori saviya, keskin raqobat va yorqin sport lahzalari bilan voleybol ixlosmandlariga unutilmas taassurotlar ulashdi.
Mazkur chempionatda Osiyo voleybol konfederatsiyasiga a’zo davlatlardan jami 15 ta terma jamoa ishtirok etdi. Musobaqalarda 25 ta o‘g‘il bolalar va 23 ta qizlar jamoalaridan 100 nafardan ortiq yosh sportchilar Osiyo chempionligi uchun bahs olib bordilar.
Yakuniy natijalarga ko‘ra:
Qizlar o‘rtasida:
Xitoy
Avstraliya
Qozog‘iston
O‘g‘il bolalar o‘rtasida:
Avstraliya
Qozog‘iston
Qatar
Ushbu chempionat mamlakatimizda sohil voleyboli tobora rivojlanib borayotganini, O‘zbekiston esa yirik xalqaro musobaqalarni yuqori saviyada tashkil eta oladigan davlatlardan biriga aylanayotganini yana bir bor namoyish etdi.
