Toshkent sambo bo'yicha nufuzli turnirga mezbonlik qiladi

Boshqa sport turlari 11 apr 2025 da 11:55

Nasrullo Karimov

Журналист

Joriy yilning 14-aprelidan 20-apreligacha Toshkent shahrida sambo bo'yicha Osiyo-Okeaniya chempionati bo'lib o'tadi. Bellashuvlar “Yunusobod” sport majmuasida tashkil etiladi.

Bahslarda Osiyo va Okeaniya mintaqasining 25 ga yaqin mamlakatidan 600 nafardan ortiq sambochi ishtirok etishi kutilmoqda.

Janglar 14-aprel kuni soat 09:00 da start oladi. Kunning birinchi yarmida saralash bahslari o'tkazilsa, soat 16:00 dan so'ng medallar uchun janglar bo'lib o'tadi.

Shuningdek, turnirning ochilish marosimi 15-aprel kuni soat 16:00 da boshlanadi.

Musobaqa quyidagi yo'nalishlarda tashkil etiladi:

- Kattalar o'rtasida sambo va jangovor sambo (erkaklar va ayollar)

- Yoshlar o'rtasida sambo va jangovor sambo (yigitlar va qizlar)

- O'smirlar va kadetlar o'rtasida sambo (yigitlar va qizlar)

- Ko'zi ojizlar va zaif ko'ruvchilar o'rtasida sambo

- Sport ustalari (faxriylar) o'rtasida sambo