Termiz shahrida sportning dzyudo turi bo‘yicha o‘smirlar o‘rtasida O‘zbekiston kubogi bo‘lib o‘tdi

Surxondaryo viloyati markazi Termiz shahri dzyudo bo‘yicha o‘smirlar o‘rtasidagi O‘zbekiston kubogiga mezbonlik qildi.

Termiz shahar Yakkakurash sport turlariga ixtisoslashtirilgan sport maktabida o‘tkazilgan musobaqada Qoraqalpog‘iston Respublikasi, Toshkent shahri hamda viloyatlardan saralangan 900 nafarga yaqin o‘g‘il- qizlar g‘oliblik uchun kurashdilar.

3 kun davomida bo‘lib o‘tgan bellashuvlarda jismoniy mahorati ustun bo‘lgan dzyudochilar g‘oliblar safidan joy oldilar.

Yakuniy natijalarga koʻra:

1-o’rin Xorazm viloyati jamoasi
2-o’rin Samarqand viloyati jamoasi
3-o’rin Toshkent shahri jamoasi egalladi.

G’oliblarga bellashuv medali hamda diplomi topshirildi.

Roziqjon Sultonmurodov

Jurnalist