Terma jamoalar va klublarni qoʻllab-quvvatlashning yangi moliyaviy mexanizmlari ishlab chiqilmoqda
Sport turlari boʻyicha terma jamoalarimiz, xususan, klublar faoliyatini moliyalashtirish masalalariga bagʻishlangan uchrashuv boʻlib oʻtdi. Iqtisodiyot va moliya hamda Sport vazirliklari, Milliy Olimpiya qoʻmitasi va Oʻzbekiston futbol assotsiatsiyasi mutasaddilari ishtirok etgan yigʻilishda kun tartibiga kiritilgan masalalar atroflicha muhokama qilindi.
Uchrashuv davomida sport sohasiga xususiy sektorni keng jalb etish, bu borada tashabbus koʻrsatgan tadbirkorlar uchun qoʻshimcha imtiyoz va ragʻbatlantirish mexanizmlarini joriy etish orqali yangicha moliyalashtirish tizimini shakllantirish boʻyicha ustuvor vazifalar muhokama qilindi. Rasmiylar bunday yondashuv zamonaviy menejment tamoyillarini joriy etish, klublar faoliyati samaradorligini oshirishga xizmat qilishini taʼkidladilar.
