TDPU va “Jismoniy tarbiya” – finalda!
“Talaba qizlar ligasi-2025’’ turniri o’zining hal qiluvchi bosqichiga yetib keldi. “Sportchi – yurt himoyachisi” shiori ostida tashkillashtirilayotgan musobaqaning yarim final uchrashuvlari bo’lib o’tdi va finalda bosh sovrin uchun kurash olib boruvchi jamoalarning nomi ma`lum bo’ldi. Toshkent Davlat iqtisodiyot universiteti sport majmuasi zalida qiziqarli o’tgan o’yinlarda Toshkent Davlat Pedagogika Universiteti talaba qizlari hamda “Jismoniy tarbiya” jamoasi final yo’llanmasini rasmiylashtirishdi.
Turnirning so’nggi uchrashuvlari – 3-o'rin uchun va final bahsi seshanba kuni soat 10:00da TATU zalida bo’lib o’tadi. Quyida yarim final bahslarida qayd etilgan natijalar bilan tanishing:
“Talaba qizlar ligasi-2025’’
Yarim final
TDPU – "Oriental" – 5:0. Sarvinoz Komiljonova (3ta), Madina Ruziyeva (2ta)
"Jismoniy tarbiya" – O'zMU – 5:2. Gollar: Shahzoda Tolipjonova, Zarina Xayrullayeva, Sabrina Bahriddinova, Sevinch Xayrullayeva, Zulfizar Ruzimetova-avtogol – O'g'iloy Qarshiyeva, Sandug’ash Yesibbekova-avtogol.
