Tashkent Junior Asian Cup 2026 turniriga tayyorgarlik muhokama qilindi
28-31 may kunlari poytaxtimizda bir necha yildan beri Uchqun Murodov xotirasiga bag‘ishlab o‘tkazib kelinayotgan an’anaviy xalqaro musobaqa bo‘lib o‘tadi.
Olimpiya shaharchasida tashkil etiladigan Tashkent Junior Asian Cup 2026 turnirida yigirmaga yaqin davlatdan 1000 nafardan ziyod kadetdar hamda yoshlar medallar uchun bahslarga kirishadi. 28-29 may kunlari kadetlar, 30-31 may sanasida esa yoshlar tatamiga chiqadi.
O‘zbekiston dzyudo federatsiyasida ushbu nufuzli musobaqaga tayyorgarlik yuzasidan ishchi guruh yig‘ilishi bo‘lib o‘tdi.
Federatsiya Bosh kotibi Aziz Sobirov boshchiligida o‘tgan yig‘ilishda musobaqaga ko‘rilayotgan tayyorgarlik, delegatsiyalarni kutib olish, mehmonxonalarga joylashtirish, transport xizmati, mashg‘ulot zallari holati kabi masalalar muhokama qilindi. Mas’ullarga tegishli topshiriqlar berildi.
