Taekvondo WT rivoji yo'lida uch tomonlama hamkorlik memorandumi tuzildi
Buxoro davlat pedagogika instituti rektori Bahodir Ma’murov, O'zbekiston taekvondo WT assotsiatsiyasi Buxoro viloyati bo'limi ijrochi direktori Obidjon Axadov hamda Buxoro viloyati sport boshqarmasi boshlig‘i O'tkir Najmiddinov o‘rtasida sport sohasida hamkorlikni yanada kengaytirish, tizimli ishlarni yo‘lga qo‘yish hamda taekvondo WT sport turini rivojlantirishga qaratilgan uch tomonlama memorandum imzolandi.
Mazkur kelishuvning asosiy maqsadi Buxoro viloyatida taekvondo WT sport turini ommalashtirish, yoshlar orasida sog‘lom turmush tarzini keng targ‘ib qilish hamda iqtidorli sportchilarni erta bosqichda aniqlab, ularni professional sport tizimiga jalb etishdan iboratdir. Shuningdek, ushbu hamkorlik sport sohasida ta’lim, amaliy mashg‘ulot va musobaqa jarayonlarini yanada uyg‘unlashtirishga xizmat qiladi.
