Taekvondo. Usmon Abduqaniyev “Batumi Open-2025” g‘olibi bo‘ldi
Gruziyada taekvondo WT bo‘yicha turli yosh toifalarida o‘tkazilgan “Batumi Open-2025” xalqaro turnirida yurtimiz sharafini himoya qilgan IIV “JAR” sport-sog‘lomlashtirish kompleksi taekvondochilari 3 ta oltin va 1 ta kumush medalga sazovor bo‘lishdi.
Jumladan, nufuzli musobaqaning so‘nggi kunida Usmon Abduqaniyev (-27 kg.) gruziyalik Ioane Jorbenadzeni, Torgva Sumbadzeni, turkiyalik Ali Barat Atalanni mag‘lub etib, final bosqichiga yo‘l oldi.
So‘nggi hal qiluvchi final jangida mezbonlarning yana bir vakili Luka Lashkini dastlabki raundda 12:2, ikkinchi raundda esa 9:3 hisobida mag‘lubiyatga uchratgan holda “Batumi Open-2025” chempioniga aylandi.
Shuningdek, o‘z vaznlarida E’zozaxon Rahmonova (-42 kg.) hamda Muhammad Dilshodov (-29 kg.) oltin, Muhammad Ali Ismoilov (33 kg.) esa kumush medalni qo‘lga kiritdi.
