Suv sport turlari bo‘yicha jahon chempionatida ishtirok etuvchi terma jamoamiz tarkibi e’lon qilindi
11 iyuldan 3 avgustgacha Singapurda suv sport turlari bo‘yicha jahon chempionati bo‘lib o‘tadi. Musobaqada O‘zbekiston terma jamoasi ham bir qator yo‘nalishlarda ishtirok etadi.
Uzbekistan Aquatics federatsiyasi ma’lumotiga ko‘ra, terma jamoamiz quyidagi sportchilar bilan jahon chempionatida ishtirok etadi:
Sinxron suzish (18–25 iyul):
• Solo, texnik va erkin chiqishlar — Sabina Mahmudova
• Juftlik, texnik va erkin chiqishlar — Sabina Mahmudova va Ziyoda Toshxo‘jaeva
Suvga sakrash (26 iyul – 3 avgust):
• Vyacheslav Kachanov (1 va 3 metrlik tramplin)
• Igor Myalin (10 metrlik platforma)
• Kachanov / Myalin (3 metrlik tramplin, juftlik)
Suzish (27 iyul – 3 avgust):
• Ilya Sibirsev (400, 800 va 1500 metr, erkin usul)
• Eldorbek Usmonov (50 va 100 metr, batterflyay)
• Parizod Abdukarimova (50 va 100 metr, chalkanchcha)
• Osiyoxon Rejapova (100 va 200 metr, erkin usul)
O‘zbekiston sportchilariga jahon chempionatida omad tilaymiz!
