Stol tennisi bo‘yicha U-15 o‘smirlar o‘rtasidagi O‘zbekiston kubogi g‘oliblari aniqlandi
Joriy yilning 25–28-sentabr kunlari Urganch shahridagi Olimpiya va Paralimpiya sport turlariga tayyorlash markazida 15 yoshgacha bo‘lgan o‘smir o‘g‘il va qizlar o‘rtasida O‘zbekiston kubogi musobaqasi bo‘lib o‘tdi.
Bellashuvlarda yurtimizning turli hududlaridan tashrif buyurgan sportchilar mahoratlarini namoyish etdilar. Musobaqaning taqdirlash marosimida sport boshqarmasi boshlig‘i N.Djumaniyazova hamda O‘zbekiston stol tennisi federatsiyasi Xorazm viloyat bo‘limi raisi, viloyat soliq boshqarmasi boshlig‘i Sh.Saidov g‘olib va sovrindorlarga qimmatbaho hamda esdalik sovg‘alarni topshirdilar.
Musobaqa natijalari:
Qizlar bahsi:
1-o‘rin — Andijon viloyati
2-o‘rin — Xorazm viloyati
3-o‘rin — Jizzax viloyati
3-o‘rin — Toshkent viloyati
O‘g‘il bolalar:
1-o‘rin — Xorazm viloyati
2-o‘rin — Farg‘ona viloyati
3-o‘rin — Toshkent viloyati
3-o‘rin — Buxoro viloyati
