Sport vazirligi ishchi guruhi ishtirokida seminar o‘tkazildi
Ayni kunlarda Sport vazirligi ishchi guruhi Samarqand viloyatida bo'lib turibdi.
Pastdarg‘om tumani hokimligida ommaviy sport bilan shug‘ullanuvchilar qamrovini kengaytirish hamda sport natijadorligini oshirishga qaratilgan seminar tashkil etildi.
Tadbirda Sport vazirligi Ommaviy sportni rivojlantirish bo‘limi boshlig‘i Sherzod Olimov hamda hokim o‘rinbosari Siroj Hamroyev, hududdagi sport ta’lim muassasalari rahbarlari, yoshlar yetakchilari hamda soha mutaxassislari qatnashdi.
Seminar davomida “Besh tashabbus olimpiadasi” doirasida seleksioner-trenerlar faoliyatini samarali yo‘lga qo‘yish, ommaviy sport tadbirlarini tashkil etish tartibi, “ERP Sport” yagona elektron boshqaruv tizimi orqali yoshlarni ro‘yxatga olish jarayonlarini takomillashtirish masalalari atroflicha muhokama qilindi.
Shuningdek, ushbu yo‘nalishda masʼullarga zarur topshiriq va tavsiyalar berildi.
