Sport vaziri oʻrinbosari Respublika olimpiya va paralimpiya sport turlariga tayyorlash markazidagi qurilish jarayonlarini koʻzdan kechirdi

Sport vaziri o‘rinbosari Shaxrillo Maxmudov Respublika olimpiya va paralimpiya sport turlariga tayyorlash markazida olib borilayotgan qurilish jarayonlarini ko‘zdan kechirdi.

Tashrif davomida Respublika olimpiya va paralimpiya sport turlariga tayyorlash markazi hududida bunyod etilayotgan sport inshootlari hamda bajarilayotgan ishlar sifati o’rganildi.

Shuningdek, vazir o‘rinbosari tomonidan qurilish jarayonida zamonaviy standartlar va sportchilar uchun qulay sharoitlar yaratishga alohida e’tibor qaratilib, mas’ullarga aniqlangan kamchiliklarni bartaraf etish bo‘yicha tegishli topshiriqlar berildi.

Mazkur markaz kelgusida olimpiya va paralimpiya sportchilarini yuqori saviyada tayyorlashga xizmat qilishi ta’kidlandi.

Nasrullo Karimov

Jurnalist